Friday, September 29, 2017

دمعة الرباب

علي مهدي
الشاعر: سعد الذبحاوي

زماني راوح بساده ولادار ولادار ولادار
حليبي نشف من صدري ولا در ولادر ولادر
 دارت بالقلب يبني ولا در
البقت بعدك ياعبدالله عليّه

أهزن بالمهد وادري المهد خالي
يامن مهدك صبح ياروحي دلالي

ياعبدالله طويت على المهد ظهري
واحس بجمرتك وي جمرتي تسري
يبس مني اللبن يارويحتي صدري
بيش اسقيك يا وردة غصن عمري
وامن الماي خابت يابني آمالي

تريد الماي وانا منين اجيب الماي
هاك اشرب ياروحي من دمع عيناي
تفجع قلبي من اسمع تون بهداي
ماعندي وسيلة وشنهو يابني الراي
أخاف عليك ما تتروى للتالي

نشف حتى الدمع ياوليدي بيش اسقيك
واسهام العطش بين الحشى ترميك
مثل الطير روحي تحوم يبني عليك
على مهد الرضاعة تلوب وتناغيك
حاجيني يايمة وارحم بحالي

مصابك يالولد خلاني بين اثنين
بين تموت يمي وبين سهم البين
اشوفك من ضماك اتدير ليا العين
صاحت صوتها تخذ الطفل ياحسين
دنت ياريت قبل اليوم آجالي

اخذ طفله ولعند صدر الابو ضمه
يقبل قام نحره بيده ويشمه
ويروي للطفل بالماي كل همه
لأن سهم العدى رواه من دمه
تموت من العطش وما كانت ببالي
مجنونة هالفكرة

محمد الخياط
الشاعر: عبدالله بوحمد

حيدر ..حيدر
حيدر .. حيدر .. حيدر
خايف اسولف والعالم يلوموني
بس انت تعرف يا حسين جنوني
وجنوني شيفسره ..مجنونه هالفكرة
وجنوني شيفسره ..مجنونة هالفكرة ..
 مجنونه هالفكرة

ما افكر اسالك شنهو يجذبني الك
بكل تفاصيل الحياة اتصورك
جرأتي ويا الخجل بالفرح ويا الزعل
انا كل لحظة ادور بمحورك
انت الملك وبقبضتك شعوري
وانا العبد واجب إلك حضوري
موتي على حبك لو صبح ضروري
هذا دوائي سيدي وسروري

حيدر حيدر 
اتعافى باسمك وانت كل جروحي
واتمنى يمك الله ياخذ روحي
وبموتي هم اقرا .. مجنونه هالفكرة
مجنونه هالفكرة

كل حياتي محرمك وبضميري مآتمك
وبعدد الانفاس اقيمه مجلسي
وصوتي يصبح منبرك
وشغلي انعى واذكرك 
عايش بعالم جنون العابسي
عشقي المناحة وراحتي بونيني
 وماتسوى والله بلا لطم ايديني
وبلا بجي ما الها قيمة عيني 
والما يعجبه بكيفه هذا ديني

حيدرحيدر
شما انسى ادري مقصر بتعبيري
وما اوفي ابدا واعلم بتقصيري 
ما اكتفي بطبره .. مجنونه هالفكرة
مجنونه هالفكرة

جنوني صاير مذهبي
وقلبي تل الزينبي
وكل نبض اصعد واشوفك ع الثرى
تركض انفاسي ركض
ليمن توقع ع الارض
بيا جم خيمة خدر متوجره
لو بيدي انصب كل وقت عزية
وابجي الك قد ما بجت رقية
وياريت سوط النايبة عليا
وسنين عمري كلها غاضرية

حيدر حيدر
ياحسين عاشورك ذبح ايامي
والماي ماريده لأنك ضامي
لا ارتوي بقطرة .... مجنونه هالفكرة
مجنونه هالفكرة

قارورة

الملا باسم الكربلائي
الشاعر : أحمد الذهبي

ياقارورة دمه الغالي على احبابي انشغل بالي
اراقب واني حذرة  الرسايل كلها خطرة

اول مراسيل الحزن نسمة هوا جايبها لي
مخنوق اجا بصدري النفس شميته بيه ريحة هلي
من والدي جايب عطر مو ذاك عطره الأول
بيه ريحة الفاقد ولد يمكن مشه الاكبر علي
ياقارورة واخاف اني تجرحني بخبر ثاني
واموتن قطرة قطرة الرسايل كلها خطرة


ثاني رسالة من السفر مكتوبة لي بقطرة دمه
قالت لي عطشان الورد  مات الندى ويشرب ضمه
عبدالله مو ذاك الطفل كن والدج شايل سما
اترف قرابين العشق راد لحبيبه يقدمه
رسمتيلي ياقارورة .. مهد خالي بحضن صورة
اثر دم على صدره الرسايل كلها خطرة


ثالث مكاتيب البعد هذا اصعب واكثر خطر
يحجي لي سالوفة سما مثلومة ويطيح القمر
من يحضن بروحه الجرح يشبه نهر حاضن نهر
مو ظهر ابويه المنحني ظهر الزمن كله انكسر
لقاه كاتب على جروحه غلاة اخته مثل روحه
وطلب زينب تعذره الرسايل كلها خطرة


اما الرسالة الرابعة لونج ياقارورة اختلف
لون الدمه تحول إلى حنة عريس بلايا كف
لوالدته ينزف رادته زفوه على جروحه ونزف
وصورة بدر ينزف ضوى صورت لاحساسي ورجف
وانا وروحي وخناجرها مثل رملة ومشاعرها
الحجر بالنوح افطره الرسايل كلها خطرة


لحظة ووصل مني الهجر اصعب مراسيل الالم
شكلج ياقارورة اختلف صار اسود وقلبي انصدم
مستغربه وفكري انذهل حزنج على ارموشي انرسم
ليل الله باحضانج نزل لو هذا دخان الخيم
جمر غربه وحرق خيمه وانا بعيني الدمع غيمه
مطر وخدودي صحرا الرسايل كلها خطرة

واخر رسالة من النحر قلبت موازين الزمن
قارورة الدم امتلت وتبدت وفاض الوطن
صدرك عليه حافر فرس والخد بالرمال اندفن
وصفوا لي بجروحك شمس وجروحي ما يتوصفن
على جروحك قمر غافي وانا بروحي نجم طافي
وطفى العالم بأسره .. الرسايل كلها خطرة

Friday, December 16, 2016

يذبح موت الشبان


 
يذبح موت الشبان
يالمآخذها عيوني                ما تقعد ياوليدي                ذبحوك وذبحوني                              ما تقعد يا وليدي
لا تبقى على التربان                        يذبح موت الشبان (2)
يذبح موت الشبان                             يذبح موت الشبان
شبيهن يمه هدومك                                    متقطعات بنومك                            جاوبني يالغالي
أمك هاي تكلمك                                        سولف لي عن همك                       ارحم يمه حالي
شصار بحالك يبني                                     يبني دهرك ذبني                            ومآخذ كل آمالي
نايم لو مو نايم                  سالم لو مو سالم               يالمطروح قبالي                           يالمطروح قبالي
يا شمامة روحي                طمني وحاجيني                 تسمع كثرة نوحي                          طمني وحاجيني
والله بقلبي نيران               يذبح موت الشبان (2)
*                       *                          *
ليش ايدينك حمره                                      وابوجهك جم طبرة                         لاتفجع قلب امك
شقد مشتاقه لصوتك                                   طول يمه سكوتك                           وضليت الهج باسمك
كل ما امسح نزفك                                                 مابين لي وصفك                            منهو الشوه رسمك
هذا انت مو انت                كل شي مجرح شفته                       قدامي بس دمك                 قدامي بس دمك
يالجيت بهالجيه                 لاتجرحني كافي                            لاتموت بأيديه                   لاتجرحني كافي
يالعايش بالوجدان                          يذبح موت الشبان(2)
*                       *                          *
يمه عرسك عيدي                          وهاي الحنه بايدي                                     وجّت كل شمعاتك
زينب سوت حوفه                          تنتظرك ملهوفه                                         وتنتظرك عماتك
امدد  يمه اسم الله                          أمــك انا رمله                                          من جرّح وجناتك
ياهو الطابر راسك             ومخمد انفاسك                  ومغيب ضحكاتك                ومغيب ضحكاتك
مو حلوه دنيانه                  يمه خلاف عيونك              بايش اتصبر انا                 يمه خلاف عيونك
شسوت بيك العدوان                       يذبح موت الشبان(2)
*                       *                          *
يبني مقطع جسمك                         نومك ذابح عمك                            من شافك ع الغبرة
بيك حسين اتحير                           حالك حال الأكبر                            شوفه تكسر ظهره
من شالك ما يقدر                         ويصد لي ويتعذر                            شفت بعينه العبره
قلتله لأجلك فدوه                           دنيانه ماتسوه                               بعدك يبن الزهره
حاجاني بدمعاته                 جاسم راح من ايدي          ويصيح بآهاته                  جاسم راح من ايدي
خلصوا كل الفتيان                          يذبح موت الشبان (2)
*                       *                          *
قوم ادفني يمك                              انت محقق حلمك                           حقق بايني حلمي
افدي حسين بعمري                        ريت بقطعة نحري                          دمك فدوه ودمي
حسين بغربه وحده                         لا ناصر ظل عنده                           حاله زيد همي
ذبحوا كل احبابه                            يا خوفي من مصابه                       عمك يصبح مرمي
كم نار بدلاله                    ما تدري يا جاسم               راحوا كل عياله                            ما تدري يا جاسم
ظل بغربه وأحزان                          يذبح موت الشبان (2)
*                       *                          *
يا جاسم ما تدري                                       باجر بينه شيجري                          من يولينا العسكر
نركب فوق الهزل                                       وبلا هيبه نرحل                             للكوفه نتيسر
زينب زينب زينب                                       تكفلنه وتتعذب                               وتتحير بالخدر
جم واحد يضربها                                       ويهضمها ويسبها                          واتحشم يا حيدر
جم حرمه المسبيه             تصرخ وين الوالي             مذهولة ويوميه                             تصرخ وين الوالي
وين ابني الوالي جان                      يذبح موت الشبان(2)
 
     الرادود الميرزا محمد الخياط                                   
اللشاعر/ علي العابدي النجفي

وجه السما الخالي #وليدي_القمر

وجه السما الخالي                            مابيه قمر عالي
امشي بلا خيالي                              يمكن مشى الغالي
انا اعرف وليدي القمر                      كنت احلف بزوده                ما يخلف وعوده                 لو قطعوا زنوده
انا ام الي يبيض الوجه                      عالوفا ربيته                      وبصغره حاجيته                 وبحسين وصيته
لاجمني قلبي بهالمسه                                   وين الضوه مسافر               ليش القلب حاير                  بس لا قدر صاير
اسمع صدى بروحي                                    أتباهى بجروحي
واتخيله ببالي                                 يمكن مشى الغالي
 
عباس اذا بعدك عدل            ظلمه السما شبيها                            إلا انت مو بيها                  كنت انت ضاويها
  بس لا حسين بلا ضوه        وصبح الحرب ظلمه                                    من ضيك  نحرمه               معقوله يا يمه
يايمه عنه لو رحت              فقدك يهد حيله                                عن العدو وخيله                 راح اعقد الشيله
اقنعني بغيابك                                قلي السهم صابك
خل تعرف آمالي                             يمكن مشه الغالي
 
كل حلم مر على الجفن                      بغيابك تفسر                      بس يمك اتحير                   من اوصل اتعثر
دورتك بروحي وشفت                      بيه الحسن ديرة                  ياصاحب الغيرة                  تدري البعد حيرة
بالرؤيا شفت بنظرتك                       دم يجري من عينك              ردت الزم يمينك                 ماشفت كفينك
دورتك بليلي                                 اتعب والم حيلي
لكن قلت تالي                                 يمكن مشى الغالي
 
ويا من ابعث لك خبر                       متحيرة بهايه                     يالتاخذ حجايه                    لاتوقع الرايه
احرس خيم زينب مثل                      وقفة علي لطه                   مو تنسى ترعاهه                يالرايح وياهه
بخر خيمها بخوتك                           اختك وتستاهل                   من قالو الكافل                    قالت ابو فاضل
خليها بعيونك                     من تبقى من دونك
يبقى الضعن خالي               يمكن مشى الغالي
 
عطشان احسك ماروت                      ريجك ولا قطرة                 امك وبيك ادرى                 إحساسي عالفطره
أي يمه ظل ضامي                          ماشربت عيالك                   والماي اذا جالك                  خل صورتي قبالك
معقوله ما يقبل نهر                         انتم تشربونه                      عنكم يمنعونه                   لو خله بعيونه
شوف النهر وينه                            وديه على سكينه
قله اخبر عيالي                               يمكن مشه الغالي
يوليدي صدرك لايظل          مابي اثر نبله         صح هي مو سهله               بس الحسين اغلى
وتوادعو وبجو الصخر                     وتذكروا العشرة                  هو البعد فترة                     وتجمعكم الزهره
تدري الزداع ويا الاخو بيه ترخص الدمعه من تنطفي الشمعه تتشتت الجمعه
انا اشهر مصابي                 من ترحل احبابي
من حزني يصفا لي              يمكن مشه الغالي
 
 
الرادود: ملا باسم الكربلائي
الشاعر: إيهاب الـمالكي