يذبح موت الشبان

 

يذبح موت الشبان

يالمآخذها عيوني                ما تقعد ياوليدي                ذبحوك وذبحوني                              ما تقعد يا وليدي

لا تبقى على التربان                        يذبح موت الشبان ⁽²⁾

يذبح موت الشبان                             يذبح موت الشبان

شبيهن يمه هدومك                                    متقطعات بنومك                            جاوبني يالغالي

أمك هاي تكلمك                                        سولف لي عن همك                       ارحم يمه حالي

شصار بحالك يبني                                     يبني دهرك ذبني                            ومآخذ كل آمالي

نايم لو مو نايم                  سالم لو مو سالم               يالمطروح قبالي                           يالمطروح قبالي

يا شمامة روحي                طمني وحاجيني                 تسمع كثرة نوحي                          طمني وحاجيني

والله بقلبي نيران               يذبح موت الشبان ⁽²⁾

*                       *                          *

ليش ايدينك حمره                                      وابوجهك جم طبرة                         لاتفجع قلب امك

شقد مشتاقه لصوتك                                   طول يمه سكوتك                           وضليت الهج باسمك

كل ما امسح نزفك                                                 مابين لي وصفك                            منهو الشوه رسمك

هذا انت مو انت                كل شي مجرح شفته                       قدامي بس دمك                 قدامي بس دمك

يالجيت بهالجيه                 لاتجرحني كافي                            لاتموت بأيديه                   لاتجرحني كافي

يالعايش بالوجدان                          يذبح موت الشبان⁽²⁾

*                       *                          *

يمه عرسك عيدي                          وهاي الحنه بايدي                                     وجّت كل شمعاتك

زينب سوت حوفه                          تنتظرك ملهوفه                                         وتنتظرك عماتك

امدد  يمه اسم الله                          أمــك انا رمله                                          من جرّح وجناتك

ياهو الطابر راسك             ومخمد انفاسك                  ومغيب ضحكاتك                ومغيب ضحكاتك

مو حلوه دنيانه                  يمه خلاف عيونك              بايش اتصبر انا                 يمه خلاف عيونك

شسوت بيك العدوان                       يذبح موت الشبان⁽²⁾

*                       *                          *

يبني مقطع جسمك                         نومك ذابح عمك                            من شافك ع الغبرة

بيك حسين اتحير                           حالك حال الأكبر                            شوفه تكسر ظهره

من شالك ما يقدر                         ويصد لي ويتعذر                            شفت بعينه العبره

قلتله لأجلك فدوه                           دنيانه ماتسوه                               بعدك يبن الزهره

حاجاني بدمعاته                 جاسم راح من ايدي          ويصيح بآهاته                  جاسم راح من ايدي

خلصوا كل الفتيان                          يذبح موت الشبان ⁽²⁾

*                       *                          *

قوم ادفني يمك                              انت محقق حلمك                           حقق بايني حلمي

افدي حسين بعمري                        ريت بقطعة نحري                          دمك فدوه ودمي

حسين بغربه وحده                         لا ناصر ظل عنده                           حاله زيد همي

ذبحوا كل احبابه                            يا خوفي من مصابه                       عمك يصبح مرمي

كم نار بدلاله                    ما تدري يا جاسم               راحوا كل عياله                            ما تدري يا جاسم

ظل بغربه وأحزان                          يذبح موت الشبان ⁽²⁾

*                       *                          *

يا جاسم ما تدري                                       باجر بينه شيجري                          من يولينا العسكر

نركب فوق الهزل                                       وبلا هيبه نرحل                             للكوفه نتيسر

زينب زينب زينب                                       تكفلنه وتتعذب                               وتتحير بالخدر

جم واحد يضربها                                       ويهضمها ويسبها                          واتحشم يا حيدر

جم حرمه المسبيه             تصرخ وين الوالي             مذهولة ويوميه                             تصرخ وين الوالي

وين ابني الوالي جان                      يذبح موت الشبان⁽²⁾

 

     الرادود الميرزا محمد الخياط                                   

اللشاعر/ علي العابدي النجفي