مهلا بنات النبي المن تخيطن عبي
ما زال اشم الهوه ارفض حديث السبي
اعرف بالعبي ماتحمل سبي خيطتن خيم عبايه
بالخيمه القصد تحمي من الجلد من عين التصد حمايه
زينب هالعمل بي نبرة زعل بي لمحة عتب كفايه
ما عدجن امل لا ظل محتمل قررتن غدا سبايه
وسفه دمعجن يهل وانا بعدني عدل
هذا ابيميني اللوه ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
زينب تستعد وتروح وترد تمشي وتلتفت اليه
عاشت واقعه اجفوف مكَطعه يم شاطي النهر رميه
وتكَول الصدك باجر نفترك خيمه وتحترك عليه
يمي اتجمعن مدري شيضعن بس يتباوعن لأديه
خل نصبر ونتنظر ميهمنه غير الستر
منا لباجر سوه أرفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
تحجنها ابنحب منهي التنسلب منهي الينضرب متنها
ادوار اتقسمت كل وحده خذت دور وهيأت حزنها
ليش ام الطفل حست بالفعل باجر ينجتل ابنها
متفقه النسه باجر بالمسه زينب حارسه اظنها
مسرح سبايا شفت وانا عدل ما متت
ياربي كَلبي انجوه ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
صح المسأله صعبه ومذهله لا ما ينحمل اساها
مشغول الفكر وعلى ام الخدر لو باجر شمر اجاها
اعرف مو شهم ظالم ينتقم سوطه وبالشتم ولاها
وشلون احتمل افعال النذل لو صح عالهزل سباها
يارب على العلقمي عيوني خل تنعمي
من صغري والقل هو ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
هوايه اتحملت عادي اتدخلت وانا غايتي السلامه
باجر يبتدي حجي المعتدي بالله اتجاهلن كلامه
من تتهاجمن حيل اتلاحمن لا تتفرقن امامه
صيرن فد جسم محد يقتحم خلن بالوسط يتامه
حتما غذا ينتصر دمه الخدر عالشمر
وانا على هل مستوى ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
والممشى نسق ماكو مفترق متن على المتن سويه
حتى اليقتحم بيجن ينصدم ما يقدر يصل رقيه
زينب حاولي خويه اتحملي نظرات العدو اذيه
والممشى بحذر لا وحده تعثر هذي يالحرم وصيه
امشن مشي منتظم وتحزمن بالعلم
حد ما يموت الضوه ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
لو باجر صبح وحسين انذبح لحد تعتني تنظره
عندي مشكله زينب توصله وي جيت الشمر تحضره
يتربع على صدره او يسأله ليش امن القفه ينحره
اعظم فاجعه من تباوعه وخيول العده على صدره
زينب يجيها الفزع بكعب الرمح تندفع
وهنا يضيع الدوه ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
ها يم الحزن قلبي مطمئن يبقى مرتفع علمنه
خل يتعذبن خل يتسلبن لبوات الشرف حرمنه
مهما نعتبر مهما نسطبر سبي العايلة يهمنه
وحنا ابلا نفس لو واحد لمس ناقة بت علي هضمنه
لو اختي مسها الخطر راسي انتبه واعتذر
درب المسير انطوه ارفض حديث السبي
مهلا بنات النبي المن تخيطن عبي
ما زال اشم الهوه ارفض حديث السبي
أداء: الحاج باسم الكربلائي
كلمات: السيد عبدالخالق المحنه
 |
Click here to Reply or Forward
|
No comments:
Post a Comment